Саво Милошевич: "Тушунмайман, VAR нима учун керак, агар у ишламаса"

"Тушунмайман, VAR нима учун керак, агар у ишламаса. Бугун бутун дунё ҳакамнинг хатосини кўрди. VAR ҳакамларнинг хатосини тўғрилаш учун керак деб ўйлайман. Демак, бизга энди монитор қаршисида ўтирадиганларнинг хатоларини тузатадиган инсонлар керакми? Кейин бутун дунё кўрган нарсани илғамайдиган 100 нафар махсус ҳакам пайдо бўлади.

Кўринишидан, VAR фақат танланган жамоаларга ишламоқда. Ушбу Жаҳон чемпионатида Сербия фойдасига иккита пенальти берилмади - иккита ўйин ва иккита хато. Қандай қилиб шундай бўлиши мумкин? Хатолар давом этаётган бўлса, унда нега бу тизим амалга татбиқ этилди? Шунчаки хатолар эмас, ўйин натижасига тўғридан-тўғри таъсир қиладиган ҳал қилувчи қарорлар", - деди Милошевич.

Сербия терма жамоаси кеча тунда бўлиб ўтган ЖЧ-2018 2-тури доирасидаги баҳсда Швейцарияга ютқазиб қўйди (1:2).