Сарри "Наполи"дан кейин "Ювентус"да ишлаш ҳақида: "Ажрашган хотинимга содиқ бўлишим керакми?"

2015-2018 йилларда неаполликлар билан ишлаган 60 ёшли италиялик, энди "Ювентус" клубини бошқариши ва йилига 6-7 миллион евро маош олиши кутилмоқда.

"Биз италияликлар учун уй билан алоқадор ҳиссиётлар кучли, нимадир етишмаётганини ҳис қиламиз. 

Бу жуда оғир йил бўлди. Дўстлар ва ёши ўтиб қолган ота-онамдан ажралган ҳолда яшашим керак эди. 

Лекин, ўз вақтида профессионал танловни амалга ошираман. Яна 20 йил машғулот қилдира олмайман – паспортдаги ёш буни айтиб турибди. 

Мураббийлик осон эмас. Тосканадаги уйимга қайтганимда, ўзимни бегона каби сезаман. Ўтган йили бошқа Италия клубида ишламаслик мақсадида Англияга боришни қарор қилгандим. Касбий фаолиятимдаги йўл турлича кўрсатиши мумкин, аммо одамлар билан муносабат ўзгармайди.

Сиз клубда экансиз 110 % клубга ишонишингиз керак, лекин содиқлик нима маъно англатади? Бир кун клуб сизни истеъфога чиқарса нима қилиш керак? Ажрашган хотинимга содиқ бўлишим керакми? 

 Тотти клубнинг сўнгги рамзи бўлиб қолди. Келажакда бундай ўйинчилар бўлмайди", - дейди сигарета чекишни хуш кўрувчи мутахассис.