Сарри Кепа ҳақида: "Дарвозабон ҳақ"

Унда "Манчестер Сити" жамоаси "Челси"ни пенальтилар сериясида мағлуб этди.

Учрашувнинг сўнгги дақиқаларида бош мураббий Маурицио Сарри ва дарвозабон Кепа Аррисабалага ўртасида кутилмаган келишмовчилик юзага келди. Сарри Кепани захирага олмоқчи бўлди, кипер эса буни рад этди ва ўйинни давом эттирди. Бу ҳақда бироз аввал батафсил маълумот берган эдик.

"Челси" бош мураббийи Маурицио Сарри ушбу келишмовчилик борасида фикрини билдириб ўтди.

"Мен вазиятни тушуна олмадим ва фақатгина захира ўриндиғига шифокор келганидан кейингина ҳаммасини билдим.

Бу катта тушунмовчилик бўлди холос. Мен дарвозабон жароҳат олди ва пенальтилар сериясига тайёр эмас деб ўйладим. Лекин, у жароҳатланмаган ва пенальтилар сериясига тайёр бўлган".

Нима учун трибуна ости йўлагига киргани ҳақида

"Менга хотиржамлик зарур эди. Кепа уни жисмоний муаммо сабаб алмаштираётганимни тушунди ва ҳеч қандай муаммо йўқлигини айтди. Ва у ҳақ эди.

Шифокор келганидан сўнг ҳаммасини тушундим. Кепа билан гаплашдим, фақат вазиятни аниқлаштириш учун. Энди ҳаммасини тушунаман".