Сардор Теляков: "Про лигада чемпионликни фақат "Андижон" билан ўйин ҳал қилмайди. Ҳар бир рақибга жиддий қараймиз"

Учрашувда мезбонларнинг иккинчи голига ярим ҳимоячи Сардор Теляков муаллифлик қилди. Ўйиндан сўнг унинг фикрларини тингладик.

Turon Ferghana Humoyun Murtozaev - 24', Sardor Telyakov - 29', Sergey Morozov - 45'

PRO liga. Round 14 06/08/2022, 19:00 1 : 3 Finished

Zomin Mukhammad Odilov - 56'

45'

90'

24'  Humoyun Murtozaev

29'  Sardor Telyakov

37'  Jasur Urunov

45'  Sergey Morozov

46'  Siyovush Khabibulloev (Abdulaziz Abdurashidov)

46'  Jasur Urunov (Sardor Abduraimov)

65'  Doniyor Ismoilov (Mirzohid Mirzamahmudov)

65'  Humoyun Murtozaev (Aziz Ibragimov)

72'  Aziz Ibragimov

77'  Sardor Telyakov (Mirzohid Mirzamahmudov)

32'  Ozod Rajabov (Iskandar Siddiqjonov)

46'  Jamoliddin Bakhromov (Lutfullo Fayzullaev)

46'  Islom Boysariyev (Mukhammad Odilov)

56'  Mukhammad Odilov

73'  Sunnatullo Rustamov (Diyorbek Yunusov)

73'  Bakhodir Daminov (Yodgor Nazarov)

79'  Iskandar Siddiqjonov

Open in Match Center

- Ўйин ҳақида...

- Танаффусдан кейинги биринчи ўйин доим қийин кечади. Тўғри ўртоқлик учрашувлари орқали спорт формамизни ушлаб турдик. Лекин расмий ва ўртоқлик ўйини ўртасида катта фарқ бор. Биринчи даврадаги ўйинимизни кўрсатишимиз учун бироз вақт зарур. Мазкур омиллар ҳисобига "Зомин"га қарши ҳаракатларимиз бироз ўхшамаган бўлиши мумкин. 

- Рақибнинг турнир жадвали қуйида бораётгани футболчиларни хотиржамликка берилишига сабаб бўлмадими?

- Тўғри "Зомин" қуйи ўринда кетмоқда. Лекин бу уларнинг кучсизлигини, хотиржам ютишимизни англатмайди. Про лигадаги ҳар бир жамоанинг мақсади бор. Айниқса охирги ўриндаги жамоалар кучли рақибларга қарши икки ҳисса куч билан ўйнайди. Биз ҳар бир рақибни ҳурмат қилган ҳолда майдонга чиқишимиз керак. Ҳозир жамоа кучли ёки кучсизга ажратадиган пайт эмас. 

- Иккинчи бўлимда жамоада толиқиш бордек сезилди...

- Ўз ўйинимизни топиб олиш қийин кечди. 3:0 ҳисобида олдинда бораётганимиздан кейингина ўзимизга келдик. Иккинчи бўлим ёмон ўтмади, деб ўйлайман. Тан олиш керак бироз чарчоқ борлиги билинди. Якунда дарвозамиздан тўп олиб чиқдик. 

- Олдинда "Андижон" билан мураккаб беллашув кутиб турибди. Нима деб ўйлайсиз, "Андижон"га қарши ўйинлар чемпионлик масаласини ҳал қилиб берадими?

- "Андижон" билан ўзига ҳос дерби ва 6 очколик ўйин бўлади. Фақатгина бу клуб билан эмас, барча рақиблар билан ўйинлардаги очколар чемпионликни ҳал қилади. Турнир жадвалига ўз таъсирини ўтказади. Шундай экан ҳар бир ўйинга жиддий қараймиз ва ғалаба учун тўп тепамиз. 

Абдулазиз Искандаров суҳбатлашди