Сардор Сотволдиев: "Мусобақа жадвалида биринчи ўринни қўлга киритиш учун имкониятимиз сақланиб турибди"
10 oct 2020 12:02
News

Сардор Сотволдиев: "Мусобақа жадвалида биринчи ўринни қўлга киритиш учун имкониятимиз сақланиб турибди"

ПРО-Лига 8-туридан ўрин олган "Истиқлол" - "Шўртан" (1:0) учрашувидан сўнг ўйин тақдирини ҳал қилган ягона гол муаллифи Сардор Сотволдиев ўз фикрларини билдириб ўтди.

"Бугунги учрашув биз учун қийин кечишини билардик, шундан келиб чиққан холда ўйинга тайёргарлик кўрдик. Жамоамизнинг барча аъзолари ўзларига юклатилган вазифани аъло даражада бажаришди деб ўйлайман.

Ўйлайманки, таркибимизга янги жалб этилган футболчилар жамоамизни тарк этган футболчилар ўрнини тўлдира олишади. Уларга бизнинг услубимизга мослашиб кетишлари учун бир оз вақт керак, ўйиндан-ўйинга кучайиб борамиз.

Мусобақа жадвалида биринчи ўринни қўлга киритиш учун имкониятимиз сақланиб турибди. Шунчаки мавсумнинг қолган барча ўйинларида ғалаба қозонишимиз шарт, барчаси ўз қўлимизда. Насиб бўлса клубимиз раҳбарияти ҳамда жамоамиз мухлисларини хурсанд қиладиган натижага эришамиз деб ўйлайман. Биздан талаб қилинадигани майдонда боримизни бериб ҳаракат қилишимиз керак.

Бугунги учрашувдаги ғалаба билан барча жамоамиз аъзолари ҳамда мухлисларимизни табриклайман" - дейди Сотволдиев.