Сардор Рашидов Осиёнинг "энг яхши футболчиси" даъвогарлари рўйхатида!
28 oct 2015 17:38
News

Сардор Рашидов Осиёнинг "энг яхши футболчиси" даъвогарлари рўйхатида!

Ўзбекистон терма жамоаси ва "Ал Жайиш" клуби ярим ҳимоячиси Сардор Рашидов 2015 йил қитъамизнинг энг яхши футболчиси бўлиши мумкин.

Осиё Кубоги-2015да ажойиб ўйнаган Рашидов кейинчалик "Бунёдкор" сафида Осиё чемпионлар лигасида иштирок этди ва Қатарнинг "Ал Жайиш" клубига кўчиб ўтди. Жорий йил Рашидов Ўзбекистон миллий терма жамоаси сафида ОК-2015да 2та ва ЖЧ-2018 саралаши доирасидан ўрин олган ўйинларда 4 маротаба рақиблар дарвозасини ишғол қилди.

Рашидовдан ташқари даъвогарлар орасида, Муҳаммад Ал Саҳлави, Салман Ал Фараж, Ёсир Ал Шаҳрони (барчаси Саудия Арабистони), Аҳмад Ҳалил, Умар Абдулраҳмон (иккиси БАА) каби футболчилар бор. Тўлиқ рўйхат кейинроқ маълум қилинади.

2015 йилги Осиёнинг энг яхшиларини тақдирлаш гала-маросими 29 ноябрь куни Ҳиндистоннинг Нью-Дели шаҳрида бўлиб ўтади. Шу куни бир неча номинацияларда йилнинг энг яхшилари аниқланади.