Сардор Раҳмонов: "Айрим бир журналистларнинг гаплари бизга пулдан ҳам кўпроқ мотивация берди"

"Ушбу учрашув нафақат турнинг, балки биринчи давранинг энг яхши учрашувларидан бири бўлди дея оламан. Икки жамоа ҳам зўр ўйнади. Бизга омад кўпроқ кулиб боқди. Ҳақли равишда ғалаба қозондик деб ўйлайман. Учрашувдан олдин кўпчилик журналистлар ОКМКга ишонмаётганди. ОКМК яна мағлуб бўлади дея тахмин билдиришди. Бу бизга янада кўпроқ мотивация берди. Айрим бир журналистларни фикри нотўғри эканлигини исботлаш учун биз бугун ғалаба қозонишимиз керак эди. Уларнинг гаплари бизга пулдан ҳам кучлироқ мотивация берди. Мавсум аввалида таркибимиздаги лидерлар жамоани тарк этишди. Лекин шунга қарамай, ОКМК ўзини яхши кўрсатмоқда. Биз ҳар доим максимал натижа учун курашганмиз. Жорий мавсум барча жамоада чемпионлик учун имкониятга эга" - дея фикр билдирди Сардор Раҳмонов