Сардор Мирзаев: “Ҳали чорак финалга чиқмадик”

-  Биринчи лига жамоаларига қарши ўйнаш доим қийин кечган. Чунки истайсизми-йўқми, футболчи бундай баҳсларга ўзини руҳан тайёрлаши мушкул. Учрашув ҳақида нима дейишим мумкин? Оғир ўйин бўлиши тахмин қилгандик ва бу ўзини оқлади. Сабаби, “УзДонгЖу” жамоаси ҳам бизга жиддий қаршилик кўрсатди. Айниқса, биринчи бўлимда ўз уйинимизни кўрсата олмадик. Аммо танаффусдан кейин тажриба ўз сўзини айтиб, ғалабани ўз томонимизга оғдиришнинг уддасидан чиқдик. Айтишим керак, майдоннинг ҳолати ҳам ўйинга таъсир қилиб, жамоаларнинг савиясини қисман тенглаштириб қўйди.

Фикримча, биринчи лигада ҳали мавсум бошланмагани ҳам рақибнинг ўйинида сезилиб турди. Бу айниқса, иккинчи бўлимда сезилди. Биласиз, биз учун мавсум бошланганига анча бўлди, жамоада етарлича ўйин амалиёти бор.
Гарчи биринчи учрашувни сафарда ўтказиб йирик ҳисобда ютқазган бўлсак-да, олдинда жавоб ўйини бор. Ўша беллашувда ҳам ўзимизга керакли натижага эришганимиздан кейингина чорак финалга чиқдик, деб бемалол айта оламиз, - дейди Мирзаев.

Фурқатбек Нишонов суҳбатлашди