Сардор Абдураимов: "Машъал"ни синдириш мушкул иш. Ҳали бизни мақтаб эслашади"

"Биз анча қийин бўлган мавсумни ўтказдик ва якунда 7-ўринда қолдик Янги мавсумга жуда юқори савияда тайёргарлик кўраётгандик жамоа билан жуда аҳил ва жипслашиб қолдик Суперлигада қизиқарли баҳсларни ўтказамиз дея кўп режаларимиз бор эди.

Аммо "Машъал" жамоасига нисбатан чиқарилган қарордан биз бошимиздан зарб егандай бўлиб қолдик. Барчада бир савол бор эди. Нега? Қарорга ҳурмат сақлаган ҳолда ўз ишимизга киришдик. Футбол сайтлари "Машъал" ҳақида ёзишяпти, шуни айтиш керакки клубда ҳаммаси ўз ўрнида бунчалик шов-шувга ҳожат йўқ. Биз "Машъал" учун ҳамма нарсага тайёрмиз, профессионалмиз барчасига чидаймиз ва ҳаракатдан тўхтамай ишлашда давом этамиз. Клубни бундай вақтда ташлаб қочсак инсофсизлик бўлар. Бизни ҳар хил гаплар билан синдириш мушкул иш. Ҳали бизни мақтаб эслашади. Вақти соати келиб яна ўз ўрнимизга қайтамиз насиб қилса унга қадар мухлисларимизга куч қувват ҳамда сабр тоқат тилаймиз", - дейди Сардор Абдураимов.