Сардор Абдураимов: "Машъал-2" бизга қарши икки ҳисса куч билан ўйнашига ишонаман"

"Хатолардан сўнг ўзимизга келдик. Расмий баҳсда ғалаба учун ўйнаймиз. "Машъал-2" ёшлари бу ўйинда бизга қарши икки ҳисса куч билан ўйнайди. Мен бунга тўла ишонаман. Ўтган мавсумларда биринчи лига жамоасида ўйнаб келдим. Ҳозирда асосий жамоасидаман. Биринчи лига жамоамизни бу мавсумга тажрибали мураббий Микола Лапа тайёрлади ва услубни ўзгартирганига ишонаман. Майдонга тушган ҳар бир футболчи футболни ҳурмат қилади. Жуда ҳам қизиқарли ва муросасиз ўйин бўлади. "Насаф-2" тушганида ҳам худди шундай тайёргарлик олиб борган ва майдонга тушган бўлар эдик. "Машъал-2"га қарши ўйин "Насаф-2" билан ўйнагандан кўра осонроқ бўлар эди", - дейди Сардор Абдураимов.