Санжар Асқаралиев: “Мавсум охирига қадар “Бухоро”да ўйнайман”

Футболчининг айтишича “Бухоро” варианти уни тўла тўкис қаноатлантирган. Бу ҳақда Санжарнинг ўзи шундай дейди:

- Иккинчи даврани олий лигада ўтказишим аниқ эди. Бунинг учун олдимда бир қатор вариантлар ҳам турганди. Уларнинг орасида “Бухоро”ни танладим. Ўйлайманки ушбу қарорим тўғри бўлди. Бу ерда бош мураббий ва клуб раҳбариятининг менга бўлган ишончи катта. Бу эса ҳар қандай футболчи учун муҳим омиллардан биридир. Шунинг учун ҳам бухороликлар таклифини рад эта олмадим.

- Жамоага киришиб кетишим қийин кечмади. Чунки бу ерда ҳам ўзим яхши таниган футболчилар бор. Айнан шу ўйинчилар менга янги муҳитга мослашиб кетишимда ёрдам бермоқда.

- Насиб қилса иккинчи даврада бор кучимни ишга солиб, жамоа муваффақиятларига ҳисса қўшишни истайман. Жамоамиз айни дамда Тошкентда йиғин ўтказмоқда. Режага кўра синов-назорат ўйинларида ҳам майдонга тушмоқдамиз. Бу орқали ўз ўйин услубимизни шакллантириб боряпмиз – дейди Асқаралиев.