Санжар Рашидов: “Учрашувда кичик жароҳат олдим”

“Йўл қўйган хатоларимиз эвазига “Пахтакор”га мағлуб бўлдик. “Шерлар” хатоларни кечирмайдиган жамоа. Бизга омад етишмади деб ўйлайман. Биринчи бўлимда ўз дарвозамиздан битта тўп олиб чиққанимиздан сўнг руҳан тушкунликка тушиб қолдик. “Пахтакор” аввалги турда “Нефтчи” жамоасига мағлуб бўлганидан сўнг бу турда ғалаба қозониши шарт эди. Шунинг учун ҳам ўз уйида 3 очкони қўлга киритиш учун ҳаракат қилишди. “Пахтакор”га қарши осон ўйин бўлмаслигини билардик. Учрашувда кичик жароҳат олдим. Менимча жиддий эмас деб ўйлайман”, - дейди “Сўғдиёна” клуби сардори Санжар Рашидов.

Жаҳонгир Сотволдиев