Санжар Қодирқулов: “Андижон ва Намангандаги ўйинлар ажойиб ўтди”

Иккала ўйинда ҳам олимпиячиларимиз ғалаба қозонишди. Бу баҳсларда иштирок этган “Бунёдкор” ярим ҳимоячиси Санжар Қодирқулов ўз фикрларини билдирди.

- Июнь ойидаги йиғин қандай ўтди?
- Йиғин аъло даражада ўтди десам адашмасам керак. Иккала ўйинда ҳам ғалаба қозондик, бу ўйинларга жиддий тайёргарлик кўргандик. Бу ўз самарасини берди деб ўйлайман.

- Илк учрашув Андижонда ўтди...
- Биринчи ўйин бўлганлиги учун қийин бўлди. Бунинг устига саралашдан кейинги илк йиғин бўлганлиги боис баҳсда озгина қийналиш бўлди. Лекин мухлисларни қўллаб-қувватлашларидан кейин ғалаба қозонмасак бўлмасди, стадиондаги муҳит аъло даражада бўлди.

- Намангандаги баҳс ҳақида нима дея оласиз?
- Намангандаги ўйинга келадиган бўлсак, босим унчалик бўлмади. Ўйинни назорат қилдик мураббийларни айтган тактикаси бўйича ҳаракат қилдик. Ўйин сўнггида сал хотиржамликка берилдикми билмадим, иккита гол ўтказиб юбордик. Муҳими натижа мухлисларни натижа билан хушнуд этдик деб ўйлайман. Андижондагидан кўра мухлислар камроқ бўлишига қарамасдан муҳит яхши бўлди. Мухлисларга раҳмат айтаман.

- Бош мураббий ҳақида фикрингиз қандай?
- Любинко Друлович тактик тренерлигига амин бўлдим. Бир неча кун аввал ўйиндан биз Миср олимпия терма жамосини яхши ўрганиб чиқдик ва шунга яраша ўйин кўрсатдик.