"Сандерленд" Премьер-лигани тарк этса, Дефо жамоадан кетиши мумкин

34 ёшли футболчи ва "Сандерленд" ўртасида 2 йиллик шартнома бор, аммо жамоа хавфли зонада.

Маълумотларга кўра, футболчи шартномасида клуб Чемпионшипга тушиб кетса, Дефо жамоани тарк этиши мумкинлиги ҳақида ёзилган. Агар Жермейн қолишни истаса, маоши камайтирилади. Айни дамда футболчининг ҳафталик маоши 80 минг фунт.

Агар Дефо Англия терма жамоаси билан Россиядаги жаҳон чемпионатига бормоқчи бўлса, Премьер-лигада ўйнаши керак. Январда ҳужумчини "Вест Хэм" харид қилмоқчи эди, бироқ "қора мушуклар" форвардни 6 млн. фунтга сотмади.

АПЛ турнир жадвали билан танишинг.