Санчо рози бўлди. У МЮ билан 5 йиллик шартнома имзолайди

The Guardian нашри журналисти Фабрицио Романонинг таъкидлашича, клублар 20 ёшли хавбекнинг трансфери бўйича ўтказилаётган музокараларнинг сўнгги босқичидалар.

"Манчестер Юнайтед" трансфер тўловини бир неча мартага бўлиб тўламоқчи. Ҳозирча бу борада томонлар якдил қарор қабул қилишмаган, аммо музокаралар давом этяпти.

"Юнайтед" Санчо билан музокараларда қийинчиликка учрамади – аллақачон келишувга эришилган. Англиялик вингер билан 2025 йилнинг ёзига қадар мўлжалланган битим имзоланади.

Маълумот учун, Санчонинг "Боруссия" билан амалдаги шартномаси 2022 йилда якунига етади. Бундеслиганинг жорий мавсумида 32 учрашувда майдонга тушган футболчи 17 гол, 16 та голли узатмага муаллифлик қилди.