Самвел Бабаян: "Ёмон ўйнамаган ҳолда ютқазиш аламли"
13 jan 2016 23:41
News
![](https://championat.asia/upload/storage/194994_original.jpg)
![](/upload/storage/194994_220.jpg)
Самвел Бабаян: "Ёмон ўйнамаган ҳолда ютқазиш аламли"
Матбуот анжуманига даставвал олимпия терма жамоамиз бош мураббийи Самвел Бабаян иштирок этди.
"Ёмон ўйнамаган ҳолда ютқазиш аламли. Шундан экан, бугун биз уялмаймиз", - дея қисқа гап билан сўз бошлади Самвел Бабаян.
- Афсуски терма жамоангиз гуруҳ ўйинини омадли бошлай олмайди, Ироқ билан ўйинда жамоанинг ўйини ўзгариши мумкинми?
- Албатта, бунга ҳаракат қилинади.
- Бугун Фомин ва Козак марказий ҳимояда тўп тепишди. Бундай тактик ўзгаришга сабаб нима бўлди?
- Бу икки футболчи учун ҳам ҳимоя марказидан ўрин олиш янгилик эмас. Бугунги ўйинда уларга эътироз йўқ.
- Бу ўйинда нима ўхшади, нима ўхшамади?
- Ҳужумда ишимиз юришмади, кейинги ўйинни жиддийроқ назоратга олишимиз керак.
- Бугунги ҳакамликка қандай баҳо берасиз?
- Бутун Осиё нима бўлганини кўрди, яхшиси уларнинг ишига тегишли мутассадиллар баҳо берсинлар.
Нодирхўжа Юлдашев. Қатар, Доҳа шаҳри.
Similar news
![AMP Logo](https://championat.asia/image/logo-amp.png)
Comments