Самвел Бабаян: "Вазиятларни голга айлантиришда оқсаяпмиз"

Ўйин яхши бўлди. Чиройли ғалабага эришдик. Шогирдларим кўрсатган ўйиндан кўнглим тўлди. Лекин яна ўша муаммо, вазиятларни голга айлантиришда оқсаяпмиз.  Бу бизнинг энг катта муаммомиз бўлиб қолмоқда. Энди олдимизда иккита жуда муҳим ўйинлар турибди. "Насаф" ва "Локомотив"га қарши учрашувлар осон кечмаслиги аниқ. Биз бу беллашувларга қаттиқ тайёргарлик кўрамиз ва мухлисларимизни хурсанд қилишга ҳаракат қиламиз.

- Сўнгги пайтларда МТЖнинг халқаро ўйинлардаги муваффақиятсизлигини ПФЛдаги ўйинларнинг савияси пастлигига боғлашмоқда. Бу ҳақида сизнинг фикрингиз?
- Сизлар шуни ҳаммага етказиб қўйишларингизни илтимос қиламан. Бир нарсага эътибор беринг, сўнгги ўйинлардаги таркибимиз ўйиндан-ўйинга ўзгармоқда. Бу дегани ҳар бир футболчига имконият берилмоқда. Баъзи футболни тушунмайдиганлар эса, терма жамоа мураббийини танқид қилиш билан овора. Нима энди Қосимов ҳар бир ўртоқлик ўйинида йирик ҳисобда ғалаба қозониши керакми? Ҳаммаси ўз йўналиши бўйлаб кечмоқда. Терма жамоанинг айни пайтдаги таркиби жуда катта салоҳиятга эга. Наманганда бўлган ўйинни кўрдиларингми? Ҳақиқий кескин кураш, чиройли футбол бўлди.