Самвел Бабаян: "Пахтакор"нинг мағлубияти? Бошқа жамоалар натижалари ҳақида гапирмоқчи эмасман"

"Мухлисларимизни ғалаба билан табриклайман. Ғалаба биз учун жуда муҳим эди. Ғалабага муносиб ўйнадик. Айни дамда "Навбаҳор"нинг янги тарихида содир бўлаётган воқеалар ҳокимимиз хизматлари деб ҳисоблайман. Олға ҳаракат қилишда давом этамиз. Биз учун оддий ўйинлар йўқ, ҳар бирига бор кучимизни сарф қиламиз.

Бугун "Бухоро" дарвозасига шедевр голлар кирди, аммо кимнидир алоҳида ажратиб кўрсатмоқчи эмасман, чунки бутун жамоа меҳнат қилди".

- Айни дамда учта фронтда ҳаракат қиляпсиз...

- Қайтараман, биз учун оддий ўйинлар йўқ, ҳар бирида бор кучимизни ишга соламиз. Бир хил тайёрланиб, рақибни ўрганамиз.

- "Пахтакор"нинг бугунги мағлубиятидан сўнг "Навбаҳор"нинг чемпионлик учун имкониятлари ортди...

- Мен бошқа жамоалар натижалари ҳақида гапирмоқчи эмасман. Бугун йигитларимизнинг ўйини ва ғалабасидан роҳат олмоқчиман.

- "Бухоро" ўйини ҳақида нима дея оласиз?

- "Бухоро" чақилмас ёнғоққа ўхшайди. Жамоада стандартларда яхши ўйнайдиганлар бор, бироқ биз рақибни яхши ўрганиб чиқдик ва ғалабага эришдик. Кейинги ўйинларда уларга омад тилайман.