Самвел Бабаян: "Бизнинг ўйинларда ҳам шу қадар кўп мухлислар ташриф буюришини орзу қиламан"

Бугун мухлислар учун ҳақиқий футбол байрами бўлди. Қаршида ҳар доим кучли жамоа бўлган. Осиё чемпионлар лигаси даражасидаги ўйин гувоҳига айландик. Ўйинда ғалаба қозониб туриб, уч очкони қўлдан бой бердик. Лекин дуранг натижасидан қониқдим. Бугун футболчиларим мен берган кўрсатмаларни 100 фоиз эмас, 99 фоизга бажаришди. Агарда 100 фоизга бажаришганида, биз бугун ғалаба қозонардик.

Қаршилик футбол ишқибозларини алохида ажратиб кўрсатмоқчиман. Улар бугун ўз жамоаларини жуда чиройли тарзда қўллаб-қувватлашди. Одатда футбол мухлислари жамоанинг 12-футболчиси ҳисобланишади. Лекин мен "Насаф" ишқибозларини 12 эмас, балки 13 ва 14 футболчи деб ҳисоблардим. Бугун улар ажойиб тарзда мухлислик қилишди. Мен ҳам бизнинг ўйинларда ҳам шу қадар кўп мухлислар ташриф буюриб, стадионни тўлдириб ўтиришларини орзу қиламан. 

Яна шуни қўшимча қилишни истардимки, Қаршилик мухлислар ҳали бу жамоа билан кўплаб ғалабаларни нишонлашади. Улар бунга ҳақлилар.