Сами Хюпия: "Биз кубок финалига чиқмоқчимиз"
04 dec 2013 15:34
News

Сами Хюпия: "Биз кубок финалига чиқмоқчимиз"

Кеча Германия кубоги 1/8 финал босқичи дастлабки учрашувлари бўлиб ўтгани ва уларда қайд этилган натижалар билан таништириб ўтган эдик.

Бугун ҳам нимчорак финалнинг қолган тўрт учрашуви бўлиб ўтади.

Сами Хюпия бошқарувидаги "Байер" клуби "Баденова-Штадион"да "Фрайбург" меҳмони бўлади. Ўйинолди фикрлари билан ўртоқлашар экан, финляндиялик мураббий "доришунослар" билан биргаликда кубок финалига қадар етиб бормоқчи эканини таъкидлаб ўтди.

- Мен футболчилик фаолиятим давомида бир неча бор кубок финалларида иштирок этганман ва финалда тўп суриш қандай ҳиссиётларни тақдим қилишини жуда яхши биламан. Мураббий сифатида ҳам бу онларни ҳис этишни истаяпман. Бунинг учун жамоамиздан ўзимизга бўлган ишончни қайтариш талаб этилади. Биз ЧЛ доирасидаги аламли мағлубиятимизни унутган ҳолда олға боришни ва кубок финалига чиқишни мақсад қилганмиз, - дея фикрларини билдирди "Байер" нинг ёш устози.

Эслатиб ўтамиз, "Фрайбург" - "Байер" Леверкузен баҳси Тошкент вақти билан тунги соат 00:00 да бошланади.

Link :

Source : championat.asia

Receive latest football news directly on your phone. Subscribe for our Telegram channel!

Rating: