Latest news

22:06Роналду Саудия Арабистони чемпионатидаги энг омадсиз ҳужумчи бўлиб турибди  0 21:49Уругвай термаси техник ҳамкорсиз қолди, жамоа брендсиз либосларда ўйнамоқда  0 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  0 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  2 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  0 19:50Улуғбек Бақоев: "Футболда шунақаси ҳам бўлиб туради"  11 19:33Кварацхелия "Наполи"дан кетмоқчи эмас  2 19:11"Арсенал" Йозуа Киммихга қизиқмоқда  7 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  14 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  1

Самандар Шодмонов: "Эртанги ўйинда хато қилмаган холда "Турон"ни мағлуб этмоқчимиз News

Самандар Шодмонов: "Эртанги ўйинда хато қилмаган холда "Турон"ни мағлуб этмоқчимиз

Хабарингиз бор, эртага ПРО-Лига 3-тури доирасида Ғузорнинг "Шўртан" клуби ўз майдонида Яйпаннинг "Турон" жамоасини қабул қилади.

Мазкур қизиқарли тўқнашув олдидан мезбонлар сардори, тажрибали футболчи Самандар Шодмоновнинг фикрлари билан қизиқдик.

- Самандар, жорий мавсумда "Шўртан" олдига қандай вазифалар қўйилган?

-Жамоамиз олдига ПРО-Лигада чемпионликни қўлга киритган холда яна Суперлигага қайтиш вазифаси қўйилган. Навбатдаги учрашувларда ғалаба қозониб, ушбу вазифани уддалашни мақсад қилганмиз.

- Футболчилик фаолиятингизни якунлаганингиздан сўнг, мураббий бўлишни мақсад қилганмисиз?

- Очиғи ҳали кўплаб учрашувларда майдонга тушиб, "Шўртан" ғалабаларига ўз ҳиссамни қўшмоқчиман. Насиб бўлса куни келиб футбол мураббийи бўлишни мақсад қилганман.

- Фаолиятингиз давомида турли Қашқадарё клубларида ўйнагансиз. Сизнингча эсда қолган "дерби" қайси ўйин бўлган?

- Ҳа тўғри, бугунга қадар Қашқадарёнинг 3 та клубида ўйнаганман. Биласизми, бу ўйинларнинг ҳаммаси ҳам қизиқарли бўлган, ҳеч бирини алоҳида ажратиб кўрсата олмайман. Барча беллашувлар зўр бўлган.

- Бу йилги мавсумдан "Шўртан"да янги бош мураббий - Асрор Алиқулов иш бошлади...

- Ҳа, клубимиз раҳбарияти Асрор Алиқуловнинг имкониятларига ишонгани холда жамоа бошқарувини топширди. Айни вақтда жамоамиз бош мураббийимизнинг кўрсатмалари асосида ишламоқда. Биз футболчилар ҳам Асрор Алиқуловни "Шўртан"ни Суперлигага олиб чиқишига ишонамиз.

- Эртага ПРО-Лиганинг 3-тури доирасида Яйпаннинг "Турон" жамоасига қарши майдонга чиқади. Бу ўйинга тайёргарлик жараёни қандай кетмоқда?

- Ҳар бир учрашувда рақиб ким бўлишидан қатъий назар фақат ғалаба учун майдонга чиқамиз. "Турон"га қарши ўйинга ҳам мураббийларимиз кўрсатмалари асосида жиддий тайёргарлик олиб бормоқдамиз. Бу турда хато қилмаган холда ғалабага эришиб, жамоамиз мухлисларини хурсанд қилмоқчимиз. Шу ўринда карантин вақтида масофадан туриб бизни қўллаб-қувватлаб турган мухлисларимизга миннатдорчилик билдирмрқчиман. Барчангизга соғлиқ ва тинчлик-тотувлик тилайман!

Тимур Ибрагимов ёзиб олди.


Rating: +2   

Comments

championat.asia
< show latest news
Яндекс.Метрика