Салоҳ қизалоқдан кечирим сўради
17 nov 2018 15:19
News

Салоҳ қизалоқдан кечирим сўради

"Ливерпуль" ва Миср терма жамоаси ҳужумчиси Муҳаммад Салоҳ Тунисга қарши Африка Миллатлар Кубоги ўйинидан (3:2) сўнг, 90-дақиқада ғалаба тўпини киритгани учун ёш мухлисадан кечирим сўради.

Учрашув пайтида қизалоқ қуйидаги сўзлар ёзилган плакатни кўтариб турган эди: "Салоҳ, илтимос гол ур. Мен уйга қайтмоқчиман. Уйга вазифаларимни бажаришим керак".

"Сени тезроқ уйга қайтаришга ҳаракат қилдим. Сени охирги дақиқагача кутишга мажбур қилганим учун кечирим сўрайман. Ўқитувчинг буни тушунади деб умид қиламан" - дея жавоб қайтарди Салоҳ.

Миср терма жамоаси ғалаба туфайли турнир жадвалида Тунисдан ўтиб кетди. Иккала жамоа 12 очкодан тўплашди ва Африка Миллатлар Кубогида иштирок этиш масаласини ижобий ҳал қилишди.

Link :

Source : Championat.com

Receive latest football news directly on your phone. Subscribe for our Telegram channel!

Rating: +53