Саҳоб Жўраев: “Ғарбий минтақа клубларига қарши ўйнаш бироз қийинроқ”
10 dec 2013 21:32
News

Саҳоб Жўраев: “Ғарбий минтақа клубларига қарши ўйнаш бироз қийинроқ”

“Қалдирғочлар” Осиё Чемпионлар лигасида дебют қилган мавсумдан бошлаб то ҳозирга қадар фақатгина икки нафар футболчи жамоамиз шарафини узлуксиз ҳимоя қилиб келмоқда.

Булар Хайрулла Каримов ва Саҳоб Жўраев. Қуйида Саҳоб Жўраевнинг қуръага муносабати билан танишиб олишингиз мумкин.

“Осиё Чемпионлар лигаси доирасида “Бунёдкор” ўзи иштирок этган турнирларнинг барчасида гуруҳ босқичини муваффақиятли якунлаган. Келаси йилда ҳам бу анъанани сақлаб қолишга ҳаракат қиламиз”.

“Ғарбий минтақа клубларига қарши ўйинлар нисбатан қийинроқ кечади. Биринчи навбатда улар техник томондан кучлироқ бўлишса, бошқа тарафдан иккинчи планда тўп суришга тўғри келиб қолса, хаддан ташқари ёпиқ футбол намойиш қилишади. Бу эса рақибни енгиш вазифасини қийинлаштиради. Шарқий минтақа вакиллари эса очиқ футбол кўрсатишга одатланишган”.

“Рақиб ким ва қандай кучга эга бўлмасин, биз фақат ғалаба йўлида майдонга тушамиз. Бу борада улар эришган натижа ва номларга қараб ўтириш ярамайди”.

Аброр ИМОМХЎЖАЕВ суҳбатлашди.

Link :

Source : fcbunyodkor.com

Receive latest football news directly on your phone. Subscribe for our Telegram channel!

Rating: