Садьо Мане: «Эдерсон учун дуо қилаяпман»
10 sep 2017 09:29
News

Садьо Мане: «Эдерсон учун дуо қилаяпман»

АПЛ 4-турида «Ливерпуль» ярим ҳимоячиси Садьо Мане «Манчестер Сити» посбони Эдерсон Мораеснинг юзига тепиб юборганди.

«Умид қиламанки, Эдерсон тез орда тузалиб кетади, унга соғлик тиламан.

Майдонда у билан тўқнашиб кетганимиздан кейин жароҳат олганидан афсусдаман. У ўйинни якунлай олмаганидан хафаман.

Эдерсон тезроқ тузалиши учун дуо қилаяпман», – деб ёзади Мане фейсбукдаги ўз саҳифасида.

Бразилиялик футболчи «Ливерпуль» билан ўйинда (5:0) жароҳат олди. Мане тўп учун курашда посбоннинг юзига бутсаси билан зарба бериб юборди ва Эдерсон шифокорлар ёрдамида майдонни тарк этди.