Latest news

19:01Суперлига. "Қўқон-1912" – "Хоразм" 1:0 (матнли трансляция)  6 18:58Про лига. "ФарДУ" — "Жайхун" ўйини тақдирини битта гол ҳал қилди  3 18:55Суперлига. "Машъал" - "Сурхон" (матнли трансляция)  2 18:37"Истиқлол" — "Пайкон". Машарипов асосий таркибда  0 18:28АПЛ. "Челси" "Стэмфорд Бриж"да Жексоннинг голи туфайли "Эвертон"ни мағлуб этди  2 17:34"Байер", "Боруссия" ва "Бавария" иштирокидаги ўйинларнинг таркиблари маълум  0 17:04"Сивасспор" — "Анталяьспор". Турғунбоев захирада  0 15:51Факт. "Машъал" Термизда тарихий натижа қайд этиши мумкин, Қўқонга 25 йил олдинги тўқнашув қайтди  3 15:38Элит ОЧЛ. Бугун "Ал Аҳли" — "Бурирам Юнайтед" ва "Йокогама Маринос" — "Ал Насср" ўйинлари бўлиб ўтади  7 14:58Суперлига. 7-турни ўтказиб юборадиганлар  2 14:33Рафинья "Барселона" билан шартнома шартларидан норози. Бразилиялик футболчига "Ал Ҳилол" қизиқмоқда  6 14:03ФИФА "Реал" - "Барса" финали олдидан ҳакамлар нега матбуот анжуманида иштирок этганини тушунмаяпти  32 13:31"Реал" тўрт футболчиси билан хайрлашиши мумкин  21 12:54"Барселона" ўзига Германиядан марказий ҳимоячи топди  32 12:20"Манчестер Юнайтед" Коул Палмерга қизиқиш билдирмоқда  3

Рустам Умаров: “Деярли Бразилия терма жамоасига қарши баҳс олиб бордик” News

Рустам Умаров: “Деярли Бразилия терма жамоасига қарши баҳс олиб бордик”

Куни кеча футзал бўйича Ўзбекистон терма жамоаси Тошкентда Озарбойжон терма жамоаси билан ўртоқлик учрашуви ўтказди.

Ушбу баҳсда томонлар муроса йўлини танлашди (3:3). Шиддатли кечган ўйиндан сўнг терма жамоамизнинг асосий дарвозабони Рустам Умаров Жаҳон чемпионатига тайёргарлик тўғрисида фикр билдирди.

"Озарбойжон футзал терма жамоаси билан бўлган ўртоқлик учрашувини гувоҳи бўлдингиз. Уларда маҳаллийлаштирилган бразилиялик футзалчилар жамланган экан. Деярли Бразилия терма жамоасига қарши баҳс олиб бордик. Жаҳон чемпионатидан олдин бундай ўртоқлик ўйинлари биз учун жуда ҳам муҳим ҳисобланади. Озарбойжон термасига қарши жамоадошларим жуда ҳам яхши ҳаракат қилишди. Мағлубиятга учраётган пайтимизда бор кучимиз билан майдоннинг бир қарич ери учун ҳам кураш олиб бордик ва голлар ура бошладик. Баҳсни кўрган бўлсангиз яна ўйновчи дарвозабон билан гол уришга муваффақ бўлдик.

Тайёргарлик аъло даражада ўтмоқда. Бир кунда икки маҳалдан машғулотлар ўтказяпмиз. Бир ҳафта олдин жамоадошларим жисмоний машқларни бажарган бўлса биз дарвозабонлар  мураббийимиз Хосе Мария Мендез билан алоҳида машғулотларда қатнашдик. Жаҳон чемпионатида гуруҳ босқичидаги биринчи ўйинимизни Панама термасига қарши ўтказамиз. Мураббийимиз Мендез ушбу терма жамоани ўйинларини кўрган экан. Ҳозирча мана шу учрашувга жиддий тайёргарлик кўряпмиз. Бу бизнинг сўнгги ўртоқлик ўйинимиз эмас. Бундан ташқари, биз Эронда Эрон терма жамоаси билан иккита ўртоқлик учрашувини ўтказсак, Португалия ва Испания терма жамоалари билан ҳам ўртоқлик учрашувларида майдонга тушамиз. Айтиб ўтганимдек, ушбу терма жамоаларга қарши ўртоқлик баҳслари биз учун жуда ҳам муҳим. Чунки бу терма жамоалар дунё рейтингида юқори ўринларда туради. Панамани қандай даражада эканлигини кўрмаганман, билмайман ҳам. Оддий терма жамоалар Жаҳон чемпионатига чиқишмайди.

Тўрт йил аввал Португалия терма жамоаси билан ўртоқлик учрашувини ўтказганмиз. Ўшанда ҳам салбий натижани қайд этмаганмиз. Биринчи баҳсда (2:5) ҳисобида мағлуб бўлган бўлсак, жавоб учрашувида (1:2) ҳисобида мағлуб бўлганмиз. Лекин ўша пайтда Рикардиньо йўқ эди”, - дейди Ўзбекистон терма жамоаси посбони Рустам Умаров.

Rating: +7   

Comments

championat.asia
< show latest news
Яндекс.Метрика