Рустам Мирсодиқов: "Шўртан" қаторига энди "Насаф" ва "Машъал"ни ҳам қўшмоқчимиз"

"Ўйин ҳақида фикрлар? Футболда омад деган нарса бор. Бу учрашувда омад кўпроқ бизларга кулиб боқди. "Шўртан" яхши жамоа. Баъзи вазиятлардан унумли фойдалана олишганида нафақат дуранг, балки ғалаба қозонишлари ҳам мумкин эди. Биргина ўйин билан уларга ёмон баҳо қўймаслик керак. Ҳар бир мураббий ўйиндан олдин ютаман деб чиқади. Ҳозир кўзланган мақсадлар борасида қанчалик эриша олдик деб гапиришга эрта. Жўжани кўзда санаймиз. "Шўртан"нинг ҳимоя чизиғи анча заиф. Воҳа жамоалари учун биз ноқулай рақибмизми? Умуман олий лига ўйинларида "Шўртан"ни ҳар доим ютиб келамиз. Аста-секин "Насаф" ва "Машъал"ни ҳам шу қаторга қўшмоқчимиз. Буёғига "Насаф"ни ҳам мунтазам мағлубиятга учратиб туришни режалаштирганмиз", - дейди Рустам Мирсодиқов.