Рустам Мирсодиқов: "Ўзбекистон футболининг даражаси шу"

"Ўйиндан кейин тезда нима ҳам дердим. Футболда аввало омад бўлиши керак. Сен гол урмасанг, сенга гол уришади. Ҳар бир мураббий барча ўйинга ғалаба қозониш учун жамоасини олиб тушади. Ҳар бир жамоани, мураббийни ўз тактикаси мавжуд. Биз "Бунёдкор"га қарши ўйинда қарши ҳужум тактикаси таяниб ўйнагандик. Лекин Шаҳзод Нурматовнинг жароҳати бизга панд берди. Футболда жамоа ғалаба қозонса футболчиларни мақташади. Ютқазса эса мураббий айбдор бўлади. Ҳа, бугунги ўйин натижасини ўз бўйнимга оламан. Таркиб танлашда, ўйинга тактика танлашда хатога йўл қўйдим. Кейинги ўйинда жамоамиз яхшироқ ўйнашига ваъда бераман. "Динамо" билан бўладиган учрашувда кўпроқ дарвозага зарба берамиз. Ўйин зерикарли бўлди? Чиройли ва томошабоп ўйин кўраман десангиз Англияга бориб футбол кўриб келинг. Ўзбекистон футболининг даражаси шу ҳозирда", - дейди Рустам Мирсодиқов.