Рустам Мирсодиқов: "Мақсад бўлиши учун жамоада маблағ бўлиши керак"

"Бугунги ўйин ким гол урса ўша жамоа ғалаба қозонадиган ўйин эди. "Сўғдиёна"га очко керак эди. Шу боис руҳий қийин бўлди. Бизда вазиятлар бўлди. Иккинчи бўлимдаги голимизни ўйиндан ташқари ҳолатда деб топишди. Ҳакамларнинг қарорини муҳокама қилмайман. Жавлон Мирабдуллаевнинг жароҳати қанчалик жиддийлигини ҳозир билмайман. Бугунги футболда барча мураббий майдонга ғалаба учун тушади. Шу боис ўйин қийин бўлишини билардим, "Сўғдиёна" ҳисобида очко йўқ эди", - дейди Мирсодиқов. 

- "Металлург" доим ўртамиёналар сафида юради. На чемпион бўлади, на чемпионатдан тушиб кетади. Жамоанинг мақсади йўқми?
- Мақсад бўлиши учун жамоада маблағ бўлиши керак. Агар маблағ бўлса олдимизга катта мақсадлар ва вазифалар қўйилади.