Мундиал-2026. Рустам Ашурматов "Бунёдкор" академиясига қандай келиб қолгани ва 2 миллион сўм маош ҳақида
08 sep 22:45
News
![](https://championat.asia/upload/storage/801158_original.jpg)
![](/upload/storage/801158_220.jpg)
Мундиал-2026. Рустам Ашурматов "Бунёдкор" академиясига қандай келиб қолгани ва 2 миллион сўм маош ҳақида
Футболчи дастлаб "Бунёдкор" академиясига қандай келиб қолгани ҳақида фикр билдирди. Рустам Ашурматов ва Акром Комилов дастлабки қадамларни Қўқонда ташлаган.
"Футболда Наримон акада эмас, Иброҳим ва Икром акада шуғулланганман. Наримон ака бизни Тошкентга битта жамоа сифатида олиб келган. Акром эса уларда бўлган. Сергей Лушчан селекционер сифатида турнирга келган ва у ердан 23 нафар футболчини танлашган. Ўша вақтда албатта ўйинларини кўрганман. 23 нафардан 3 нафар болани олиб қолишган. Мен, Акром ва Иброҳим.
Атрофимда яхши футболчилар кўп бўлган. Мени аслида ҳужумчи сифатида "Бунёдкор"га қабул қилишган. Лекин ҳужумда ишларим юришмаган. Ўйиним кўп, голим кам бўларди. Эслайман, лагердалигимизда позицияларга ажратаётганда Сергей Лушчанга ҳимояга олишини ўзим илтимос қилганман. Шундан бери мудофаада ўйнаб келяпман. У ҳам қўллаб-қувватлаган. Бизнинг авлодда Жавоҳир Қаҳрамонов, Нуриддин Ҳасанов, Дилшодбек Аҳмадалиев бор эди",- дейди Рустам Ашурматов.
"Бунёдкор"да маошим 2 миллион бўлган. Лекин мукофот пули ойлигимиздан кўпроқ эди. Клубда кейинчалик ҳам катта пул олмаганман. Энг кўп маошим 10 миллион сўм бўлган, мукофотлар бўларди. Ундан каттасини Кореяда олганман. Ўзлигимни йўқотиб қўймаслигимга биринчи ўринда атрофимдаги муҳит сабаб бўлган. Омадим ҳам келган. "Бунёдкор"да чўққига чиққан пайтимизда ҳам топган пулимизни уйга берардик. Яширмайман бугун ҳам топган пулимни яримидан кўпини онамга жўнатаман. Кераклигини олиб қоламан ва уйга юбораман",- дейди суҳбатдошимиз.
Similar news
![AMP Logo](https://championat.asia/image/logo-amp.png)
Comments