Рустам Абдуллаев: "Қўқон-1912" ва "Пахтакор" ўртасидаги фарқ кўзга ташланди"
25 may 2014 21:12
News

Рустам Абдуллаев: "Қўқон-1912" ва "Пахтакор" ўртасидаги фарқ кўзга ташланди"

"Пахтакор" - "Қўқон-1912" (4:0) учрашувидан сўнг ташкил этилган матбуот анжуманинг биринчи қисмида меҳмонлар бош мураббийи Рустам Абдуллаев қатнашди.

"Қўқон-1912" биринчи лига жамоа, "Пахтакор" эса олий лигада пешқадам бўлиб турибди. Футболчилар савиясида фарқ борлиги сезлилиб қолди. Қўқондан келган мухлисларга миннатдорчилик билдираман", - деб гап бошлади Рустам Абдуллаев.

"Биз ҳар уч кунда ўйин ўтказаяпмиз. Йигитларга жуда қийин бўлмоқда. Ўйин эртаси куни дам берамиз, кейин навбатдаги баҳс... Шу боис қийинчиликка дуч келаяпмиз".

"Бугунги баҳсда шогирдларим анча тажриба тўплашди деб ўйлайман. Кубок халқаро мусобақага энг тез йўлланма беради. Англияда кубок финалларида биринчи лига жамоалари ҳам иштирок этишади. Агар ҳаракат қилинса Ўзбекистонда ҳам кубок финалига чиқиш мумкин".

"Биринчи ўйинда стадион тўла мухлислар, ўз майдонимиз бизга катта ёрдам берди. Бугун ҳам гувоҳи бўлдинглар мухлислар қандай тарзда жамоамизга далда бўлиб туришди".

"Яқин келажакда стадионимиз яна яхшиланади. Имкон қадар шароитлар яхшиланади деб умид қиламан".

Link :

Source : championat.asia

Receive latest football news directly on your phone. Subscribe for our Telegram channel!

Rating: