Руслан Аҳмедов: «Сўғдиёна» сув ва ҳаводек зарур бўлган очколарни йўқотди»

-  Ортиқча таърифга ҳожат йўқ. Ҳамма майдонда нималар бўлганини ўз кўзлари билан кузатди.Тўғри, биз ҳам, рақиб ҳам шу майдонда тўп сурди. Бироқ тан олиш керакки, майдоннинг сифатсизлиги, ҳар иккала жамоага ўз ўйинларини намойиш этишга жиддий таъсир ўтказди. Футболда “сен урмасанг, сенга уришади” деган мақол бежиз айтилмаган. Жамоамиз бир қатор вазиятлардан унумли фойдалана олишмади. Меҳмонларнинг биргина ҳавфли вазиятлари эса гол билан якунланди.

-  Жамоа бу йил Олий лигада жон сақлаб қолиши учун бугунги мағлубиятнинг ҳам таъсири борми?
-  Бу саволга иккинчи давранинг якуний турларида жавоб бера олишимиз мумкин. Лекин ҳақиқатни тан олиш керак: ўз уйимизда ўтган учта турда сув ва ҳаводек зарур бўлган очколарни йўқотдик. Воқеалар ривожи бу тарзда кескин тус олишини кутмагандек.Тўп юмалоқ ва майдон текис. Олдинда бизни ҳали 21 та ўйин кутиб турибди. Биз қолган барча учрашувларда вазиятни тўғри тушунган ҳолда, уни ҳис этиб майдонга тушамиз.Ҳар бир учрашувда бор кучимиз билан ҳаракат қиламиз.