Latest news

07:53Винисиус Жуниор дунёнинг энг кўп маош олувчи футболчисига айланиши мумкин  0 07:15ОЧЛ-2. "Андижон" – "Ал Аҳли" 0:0   0 02:10ЕЧЛ. "Арсенал", "Боруссия Д" ва "Наполи"да ғалаба "Юве"да дуранг ва бошқа натижалар  14 02:00ЕЧЛ. "Манчестер Сити" меҳмонда "Монако" билан дуранг ўйнади  6 01:55ЕЧЛ. ПСЖ Рамушнинг охирги дақиқалардаги голи эвазига "Барселона"ни мағлубиятга учратди  151 01:20ОЧЛ 2. "Ал Ҳалдия" ўз уйида "Арқадағ"ни мағлубиятга учратди. "Андижон" жойлашган гуруҳда ҳолат қандай?  3 01:01Сардор Азимов: "Биринчи бўлимда гол уришни мақсад қилгандик. Жамоада муҳит аъло даражада"  1 00:31"Барса" тез орада де Йонг билан шартномани узайтиради  0 00:06ЕЧЛ. "Ньюкасл" йирик ғалаба қайд этди, "Қорабоғ" "Копенгаген"ни енгди  3 23:42Қозоғистонлик тадбиркор "Реал"дан бешта гол ўтказган "Қайрат"нинг 18 ёшли дарвозабонига машина совға қилди  5 22:50Максим Шацких: "Энг муҳими гол ўтказмаслик ва нолга ўйнаш. Реализация эса кун келиб яхшиланади"  16 22:32"Элче" "Барса"га қарши ўйин анонсида учрашув "Камп Ноу" стадионида ўтказилишини маълум қилди  0 21:54"Ал Аҳли" устози: "Дурангдан қониқмадик, аммо натижа адолатли бўлди. Бу каби атмосферани маҳаллий чемпионатда доим ҳам кўравермаймиз"  10 21:20Жуд Беллингем Англия терма жамоасида йил футболчиси деб тан олинди  2 20:40ОЧЛ-2. "Андижон" "Бобур Арена"да "Ал Аҳли" билан дуранг ўйнади  96

Руслан Аҳмедов: "Балки, 3-ўринни қўлга киритган ҳолда Суперлигага ўтиш ўйинида қатнашармиз" News

Руслан Аҳмедов: "Балки, 3-ўринни қўлга киритган ҳолда Суперлигага ўтиш ўйинида қатнашармиз"

Про-лиганинг 18-туридан ўрин олган "Турон" - "Хоразм" (0:1) учрашувидан сўнг меҳмонлар бош мураббийи Руслан Аҳмедов матбуот анжуманида иштирок этди.

Ўйин ҳақида

- Жамоамизнинг барча аъзоларини ва мухлисларни, шунингдек клуб раҳбариятини ғалаба билан табриклайман. Ўйинга яхши тайёргарлик кўргандик. "Турон" юқори савиядаги жамоа. Бугун ҳимоявий услуб танлаганимиз ўз натижасини берди. Йигитларга раҳмат. "Турон" Суперлигага даъвогар асосий жамоалардан бири, бугун улар ўзлари яратган вазиятлардан фойдалана олишмади. Яхши жамоа, келаси ўйинларда омад тилайман. Фикримча, "Андижон" ва "Турон" Суперлигага биринчи даъвогарлардан ҳисобланади.

- Айрим тажрибали футболчиларнинг захирада қолиши бу иккинчи бўлимда ўйинни кучайтириш учун танланган режа эдими?

- Йўқ, бу йил бошидан биз танлаган стратегия. Биз клуб раҳбарияти билан бу борада гаплашганмиз ва жамоани аста-секинлик билан ёшартирмоқчимиз. Керакли вақтда тажрибали футболчиларнинг имкониятидан ҳам фойдаланамиз.

- Легионер футболчи Роки Марчианонинг шартномаси қандай тузилган?

- Унинг шартномаси 2 йилга тузилган. Албатта, келаси мавсумда ҳам жамоамизга ёрдам беради деб ўйлаймиз, умид қиламиз.

- "Хоразм" кучли бешликка кирди. Жамоа олдида Суперлига вазифаси борми?

- Мавсум давомида кўп очко йўқотилган, имконият даражамиз паст. Аммо биз ҳар бир ўйинда ғалаба учун майдонга чиқамиз. Балки, 3-ўринни қўлга киритиб Суперлигага ўтиш ўйинида қатнашармиз, шунга ҳаракат қиламиз.

- "Хоразм"нинг кўп йиллик посбони Ғайрат Ўдаев ва тажрибали ҳимоячи Жасур Атаджановлар нега сўнги ўйинларда захирада қолиб кетаяпти? Уларнинг ўрнида ўйнаётган футболчиларни кучли деб ҳисоблаймизми?

- Биз жамоани ёшартириш бўйича ишлаяпмиз. Уларнинг тажрибалари бизга асқотади. Ротация бўйича Ғайрат Ўдаев, Жасур Атаджановлар бизга ёрдам беришади. Балки келажакда уларни клуб мураббийлар штабига таклиф этармиз.

- "Турон" майдони ҳақида фикрингиз қандай? Сизнингча, жамоангиз ғалабасига майдон сифати ҳам ёрдам бердими?

- "Турон" стадиони Ўзбекистонда энг яхши майдонларидан бири ҳисобланади. Албатта, ғалабамиз учун майдон сифати ёрдам берди деб ўйлайман. Тўп назорати бу каби майдонларда яхши амалга ошади. 

- Суперлига йўлида қайси жамоаларнинг имкониятларини юқори баҳолайсиз?

- "Андижон" ва "Турон"нинг имкониятлари юқори. Бундан ташқари "Бухоро"да ҳам жуда яхши жамоа шаклланган. Иккинчи даврада "Бухоро"ни ўйинида ўсиш кузатилди.

- "Хоразм" қачондан уй ўйинларини табиий майдонда ўтказиши мумкин?

- Бу борада раҳбарият билан гаплашганмиз. Майдон тайёр бўлгани билан стадион ёритиш тизимини созлаш керак. Бундан ташқари, стадион хавфсизлик тизимида ҳам бажарилиши керак бўлган ишлар бор. Балки иккинчи босқич ўйинларини табий майдонда ўтказармиз.

- Қуръа натижасига кўра, иккинчи босқичда илк рақиб қайси жамоа бўлишини истардингиз?

- Қуръадан кўринади, биз ҳозир минимум вазифани бажардик. Бизга ким рақиб бўлишини аҳамияти йўқ.

- Сизда қандай мураббийлик лицензияси мавжуд?

- Менда "А" лицензияси мавжуд. Ҳозир PRO лицензияси учун ўқиш ҳаракатидаман.


Rating: +3   

Comments

championat.asia
< show latest news
Яндекс.Метрика