Руминиялик ҳакам нега Холанддан дастхат олгани маълум бўлди
08 apr 2021 19:35
News

Руминиялик ҳакам нега Холанддан дастхат олгани маълум бўлди

ЕЧЛ 1/4 финалидан ўрин олган “Ман Сити” – “Боруссия Д” (2:1) баҳси якунланганидан кейин қанот ҳаками Октавиан Шовре ҳужумчи Эрлинг Холанддан имзо олди.

Холанд ўз дастхатини руминиялик реферининг карточкасига қўйди.

Журналист Эмануэль Рошу хабар беришича, Шовре хайрия ишлари билан шуғулланади. У норвегиялик иқтидорли футболчининг имзоси қўйилган карточкани аукционга қўяди. Тушган маблағ эса аутизм билан касалланган беморларни даволашга сарфланади.

Октавиан Шовренинг айтишича, унинг хайрия ишлари билан шуғулланишидан Лионель Месси ҳам хабар топиб, 9 та карточкасига дастхат қўйиб берган экан.