Руд ван Нистелрой Роналдуни табриклади

Португалиялик футболчи “Ювентус” (3:0)га қарши баҳсда ЕЧЛда кетма-кет 10-учрашувда гол урди ва бу борадаги рекорд эгаси – қаторасига 9 та ўйинда гол урган голландиялик ҳужумчидан ўзиб кетди.

“Чорак финал – муҳим ўйин. Турнирда 9 та ўйинда кетма-кет гол уриш ва бу каби кучли рақибга қарши 10-голни уриш, яна қандай гол уриш... Роналдунинг иккита голи ҳам чиройли чиқди. Айниқса, иккинчи голи шунчаки бу дунёда киритиладиган голлардан эмасди. Бу қадар баландликдан “қайчи” услубида гол уриш- амалга оширилиши қийин бўлган иш.

“Манчестер Юнайтед”га келганида у жуда ёш эди. Лекин у нимага эришишини жуда яхши биларди ва доим “дунёнинг энг яхши футболчиси бўламан”, дея таъкидларди.

Дастлаб “бу бола ёш, майли орзуга айб йўқ” деб тушунардик унинг ҳаракатларини. Аммо меҳнатсеварлиги ва юксак иқтидори боис у олдига қўйилган мақсадларига эриша олди ва ҳозир ҳам у айнан юқори даражада ўзини намоён этмоқда. Бу фантастика”, дейди ван Нистелрой.