Latest news

21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  1 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  12 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  3 19:39"Челси" собиқ футболчиси фаолиятини "Севилья"да давом эттиради  0 19:12Саудия Арабистони клуби Грузия терма жамоаси ҳужумчиси учун 40 миллион евро тўламоқчи  0 18:39Аморим "Гримсби" билан ўйиндан кейин истеъфога чиқмоқчи бўлганини айтди  2 18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  12 16:50Европа Лигасига қуръа ташланди  4 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  11 15:58Родриго "Реал"да қоладими?  3 15:28"Арсенал" "Байер" футболчисининг трансферини якунлади  4 14:57"Ал Иттиҳод" Педро учун 35 миллион евро таклиф қилди  6

"Рубин" Раҳмоналиев учун кулгили сумма таклиф қилган News

"Рубин" Раҳмоналиев учун кулгили сумма таклиф қилган

"Бунёдкор"нинг яна бир тарбияланувчиси Россияга кўчяпти.

Қозоннинг "Рубин" клуби 18 август куни Умарали Раҳмоналиев билан шартнома имзоланганини эълон қилди (унга кўра, 19 ёшли ярим ҳимоячи келаси йилнинг январь ойида жамоа сафига бориб қўшилади).

Кейинроқ "Рубин" раҳбарияти ёзги трансфер ойнасидаёқ Умаралини олиб кетишни хоҳлаётгани маълум бўлди. Россияда бозор ёпишилига 4 кун қолди. Мазкур ўтиш амалга ошадими?

Championat.asia'га маълум бўлишича, "Бунёдкор" ўз тарбияланувчисини қишгача қўйиб юбормайди. "Қалдирғочлар" раҳбарияти рус клубидан ранжиган. Бунга қозонликларнинг Раҳмоналиев борасида юборган дастлабки таклифи сабаб бўлибди — 50 минг евро (17 ёшли Жалолиддинов "Локо" (Москва)га ўтганида жамоа 350 минг ишлаб олган эди). 

Биринчи уринишда рад жавобини олган "Рубин" таклифни 200 минг еврогача кўтарган. Аммо Тошкент клуби футболчини сотишга шошилмаяпти. Бу борада маълумот олиш учун жамоа бош директори Улуғбек Мирзаевга мурожаат қилдик.

"Бу масала ҳалигача актуал бўлиб турибди. Лекин "Бунёдкор" раҳбарияти "Рубин"нинг жамоамизга нисбатан муносабатидан қаттиқ хафа бўлган. 

Бизга юборилган дастлабки таклифда жуда кулгили сумма кўрсатилган эди. Ваҳоланки, Раҳмоналиев қишда эркин агент сифатида кетган тақдирда ҳам 3 марта кўпроқ ишлаб оламиз. Тарбияланувчимизнинг машғулот компенсацияси учун "Рубин" 160 минг евро тўлаши керак. Ўшанда 300 ёки 350 минглик таклиф келганда бизнинг реакциямиз ҳам бошқача бўлар эди. 

Шунингдек, "Рубин" футболчимиз билан музокара бошлаш тўғрисида бизни огоҳлантирган бўлса ҳам, шартнома имзоланаётганини айтмаганди. Бу ҳолатдан норозимиз. Эртага шу масалада ФИФАга мурожаат юборамиз.

Шундай қилмасак, рус жамоалари ўзбек клублари, хусусан, "Бунёдкор"га нисбатан паст назар билан қарашда давом этади. Умарали Раҳмоналиевнинг юқори потенциали, ёрқин келажаги бор. Эндигина 19 ёшни қаршилади. Унинг нархи 40 ёки 50 минг евро эмаслигини барча яхши билади", — дейди тажрибали функционер.

! "Рубин" ўтган мавсум охирида РПЛни тарк этган эди. Айни пайтда Қозон клуби Россия чемпионатининг 2-дивизионида 7 та турдан кейин 12 очко билан 5-ўринни эгаллаб турибди.

Маълумот учун, Умарали Раҳмоналиев бу йил "Бунёдкор" либосида 17 та расмий учрашувда майдонга тушиб, 6 та гол урди. У марказий ярим ҳимоячи ҳисобланади.

Муаллифнинг телеграмдаги канали → ФР| футбол АНАЛИЗИ

Author :
Rating: +16   

Comments

championat.asia
< show latest news
Яндекс.Метрика