Рубен Санчес: "Ўйинда яратган вазиятларимиздан фойдалана олганимиз сабаб бугун ғолиб бўлдик"

- Ўйин ҳақида фикрларингиз?

- Бугунги баҳс биз учун жуда ҳам муҳим эди. Биз кучли рақибга қарши ўйнадик, лекин биз бугун улардан яхшироқ ҳаракатландик ва шу сабаб ўзимиз кўзлаган натижага эриша олдик.

- Ўтган учрашувда очко йўқотган эдингизлар, бугунги учрашувга қандай тайёргарлик кўрилди ва муррабий томондан сизга алоҳида вазифа юклатилганмиди?

- Ҳа, бугунги ўйин қийин бўлишини билгандик ва шунга яраша тайёргарлик кўрган эдик. Ўйинда ҳавфли вазиятлар ярата олдик ва улардан фойдалангамиз сабабли бугун ғолиб бўлдик. Менга юклатилган вазифа кўпроқ гол уриш ва жамоамга фойда келтириш эди. 

- Бугун жорий мавсумдаги биринчи голингизни урдингиз ва голингиз жамоага уч очкони тақдим этди. Ушбу мавсумда қанча гол уришни ўз олдингизга мақсад қилиб қўйгансиз?

- Менда аниқ мақсад йўқ, менинг мақсадим жамоам мусобақа жадвалида энг юқори ўринларда бўлиши. Ҳар бир учрашувдан сўнг жамоам кўпроқ очко тўпласа менга ҳам жамоамга ҳам фойдали бўлади. Голларнинг сони бўйича аниқ мақсад йўқ, муҳими жамоамга кўпроқ фойдам тегиши керак.