Рўзиқул Бердиев: "Тезкор гол бизга ёрдам берди"

- Бугунги ўйиндаги асосий вазифа уч очкони қўлга киритиш эди. Қийин бўлишини билардик. Таркибимизда жиддий йўқотишлар бор эди. Рақибимиз анча жиддий жамоа. Ўтган турда уйдаги мағлубиятдан кейин улар ҳам ғалаба учун курашишлари аниқ эди. Тезкор гол бизга ёрдам берди. Қарши ҳужумларда ҳам яхши вазиятларни ярата олдик. Асосий вазифамизни бажара олдик. Уч очкони қўлга киритилди.

-Ёшларимиз бугун ишончни оқлашди. Футбол мактабимизда иқтидорлилар етарли.  Рашидхонов  бугун қанотда ўйнади. Уйдаги уйинда қанотда ҳаракат қиладиган футболчиларга катта куч тушади. У бугун буни уддалади. Умуман бугун майдонга тушган ёш футболчиларимизнинг ўйинидан қониқдим. Биз ўз футбол мактабимиздан етишиб чиққан ёшларга бундан кейин ҳам имкон бераверамиз. Гадоев? Уни шартномаси ярим йилга мўлжалланган. Агар у яна “Насаф”га қайтишни истаса биз уни ўзимизга қабул қиламиз. Қандай қарор қабул қилиш фақат унинг ихтиёрида.