Рўзиқул Бердиев: "Тенг ўйинда уч очко олдик"

- Бу ўйин қайсидир жамоани устунлигида ўтди дейиш қийин. Ўйин тенг курашлар остида ўтди. Энг асосийси 3 очкони қўлга киритдик, - деб гап бошлади Рўзиқул Бердиев.

- Бугунги ғалабага футболчиларимнинг тажрибаси ва маҳорати ҳам  сабаб бўлди деб ўйлайман. "Бунёдкор"га қарши баҳсда кўп куч йўқотганлигимиз бугунги кўрсатган ўйинимизга ўз таъсирини ўтказмай қўймади. "Андижон" билан кубокда тўқнаш келгандик. Рақиб жамоадаги ҳар бир ўйинчини имкониятларини яхши билардик. Яхши ўйин ташкил қилиб, ғалабага эришишга муваффақ бўлдик.

- Бугун "Андижон"га очко жуда зарур эди. Кубок ўйини билан бугунги ўйинни таққосласак, катта фарқ сезилмади. Лекин бугун рақибларимиз кубокка нисбатан яхши ўйин намойиш этишди. Улар ғалаба қозонишди биздан кўра кўпроқ хоҳлашди. "Андижон" бугунги ўйинга руҳий томондан яхши тайёргарлик кўрибди. Уларда ҳам бир қанча имкониятлар бўлди. Бу имкониятлардан фойдаланишлари мумкин эди. Бугун "Андижон" жамоасида иштиёқ баланд эди.

- Биз мавсум бошида Алланиязовга кўп имконият бердик. Асосий таркибда ҳам ўйинларда иштирок этди. Ҳужумчини асосий вазифаси гол уришдан иборат. "Сўғдиёна" билан ўйинда ҳужумчимиз қизил карточка олиб, кейинги 2 та турни ўтказиб юборди. Алланиязовнинг ҳозирги ҳолати бизни ташвишга соляпти. У ўтган йилги сермаҳсулликни кўрсата олмаяпти. Бугун ўзларинг гувоҳи бўлдинглар, 3 метр масофадан тўп кирита олмади. Бу менимча руҳият билан боғлиқ. Уни ўзидаги ишончи озгина йўқолган. Мен ўйлайманки, бу ўткинчи ҳолат. Тезда ўз ўйинига қайтишига ишонаман.

- Биз кубок учрашувига мағлубиятга учраш учун келмаймиз. Бизни олдимизда энг муҳим учрашувлардан бири турибди. Лекин бу дегани кубокка эътибор қаратмаймиз дегани эмас. Кубокдаги ўйинда жамоамиздаги ўйин амалиёти камроқ бўлган ўйинчиларга имконият берамиз.

Комилжон Икромов ёзиб олди.