Рўзиқул Бердиев: “Пахтакор” ҳақли ғалабага эришди”

Ўйин ҳақида қисқа қилиб айтаман. Бугун “Пахтакор” ҳақли равишда ғалаба қозонди. Жамоамиз бугун ёмон ўйнади ва якунда натижа қониқарсиз бўлди. Ўйинга ўзимиз тайёрлаган режамиз бор эди. Аммо ўтказиб юборилган гол бизнинг режамизни бузиб қўйди.

-Элдор Суюнов ва Шуҳрат Муҳаммадиев бугун майдонда кўринмади...
- Улар терма жамоамизнинг сўнгги ўйинида тўлиқ иштирок этишди ва толиқиб қолишгани аниқ эди. Учрашувдан олдин улар билан гаплашганимда, учрашувга тайёр эмасликларини айтиб ўтишди.

-Қайсидир футболчига эътирозингиз борми?
-Қайтариб айтаман, бугунги мағлубиятга  бутун жамоа айбдор.

-Фарруҳ Сайфиев асосий таркибга киритб келганингизда сизни кўп танқид қилишди. Лекин вазият шуни кўрсатдики, Сайфиев терма жамоа футболчиси даражасига чиқди. Бу ноўрин танқидлар сизни чалғитиб қўймайдими?
-Биз ортиқча гап-сўзларга кўп ҳам эътибор бермаймиз. Мен Фарруҳни имкониятларини яхши биламан. Сайфиев жуда меҳнаткаш бола.