Рўзиқул Бердиев: “Жиддий тайёргарлигимиз натижа берди”

Ушбу ўйиндан сўнг “Насаф” бош мураббийи Рўзиқул Бердиев матбуот анжуманига қатнашди ва ўйин борасида ўз фикрларини билдирди.

- Бугун “Сўғдиёна” кўпроқ химояга таянган холда тактика танлади. Жамоамиз гол киритган вазиятдан сўнг рақибларнинг ҳам режаси ўзгарди ва бу бизга қўл келди. “Сўғдиёна” курашувчан жамоа, шунинг учун биз ушбу ўйинга жиддий тайёргарлик кўрган эдик. Натижаси биз учун яхши бўлди.Жамоамиз ҳимоя ва ҳужумда ҳам жамоавий ўйинни намойиш этди.

Тўғри ўйнашга ҳаракат қилдик ва шунинг эвазига “Сўғдиёна”ни мағлуб этишга муваффақ бўлдик. Ўйиндан олдин “Сўғдиёна”ни ўрганиш жараёнида  рақиб жамоа ҳужумчилари кучли ўйин намойиш этишини ва шу сабабдан химоячиларга жуда эҳтиёткор бўлиш лозимлигини ўқтиргандик. Менимча,футболчилар ўз вазифаларини  аъло даражада бажарди.

“Сўғдиёна” матбуот хизмати