Рўзиқул Бердиев: “Ғуломхўжаев жамоамиз йиғинида қатнашди холос”

Бу ҳақда бош мураббий "СА"га маълум қилди.

- Ҳа тўғри, Азиз Ғуломхўжаев декабрь ойидаги йиғинимизда иштирок этди – дейди Рўзиқул Бердиев.  – Биласизми, мавсумни “Шўртан”да якунлаган бу ҳимоячи жамоамизда кўрикдан ўтиш учун келган. Ҳозирча шартнома имзоланмади. Азиз режага кўра эртанги бошланажак йиғинимизга ҳам келиши керак. Агарда келса, уни синовдан ўтказамиз. Ҳаракатлари маъқул келсагина шунда шартнома хусусида гаплашишимиз мумкин.

- Ундан ташқари яна янгилардан кимлар келиши тўғрисида маълумот бера олмайман. Олдин келишсин, машғулотларга қўшилсин сўнгра ҳаммасини билиб оласизлар.

- Раҳматулло Бердимуродов, Самандар Шодмонов, Зоҳид Абдуллаев... каби ўйинчиларнинг ҳам кетади дея олмайман. Бу масала очиғи кўриб чиқилгани йўқ. Умуман олганда ҳозир кунга қадар ҳеч қайси футболчи билан расман хайрлашмадик. Иккинчи йиғин давомида бу каби масалаларга ойдинлик киритамиз – дейди “Насаф” жамоаси устози Бердиев.

Исломбек Рустамбеков ёзиб олди.