Latest news

15:55Амир Тўрақулов: "Жамоа бўлиб ҳаракат қилдик ва шу туфайли ғалабага эриша олдик"  0 15:12"Бунёдкор" "Нефтчи"ни Фарғонада мағлуб этган ўйиндан ФОТОГАЛЕРЕЯ  0 14:32"Реал" испаниялик ярим ҳимоячисини 10 миллионга сотишга қарор қилди  0 14:01Сульшер "Бешиктош"дан кетган тақдирда, унинг ўрнига ким келиши мумкинлиги маълум  1 13:36Муҳим голлар панорамаси: Сардор Абдунабиев яна "Нефтчи"ни жазолади  1 13:03"Лос-Анжелес" Сонга йилига 20 млн доллар таклиф қилди. МЛСда фақат Месси кўпроқ маош олади - 20,45 млн  1 12:35Бруну Фернандеш "Манчестер Юнайтед"да қолади  0 12:08ПСЖ 68 млн евролик трансферни амалга оширмоқда  4 11:32"Реал" ва "Барселона" "Челси" форвардига даъвогарлик қилмоқда  4 10:54Хоразмлик мухлисларга хушхабар. "Хоразм" уйига қайтмоқда  9 10:42ПСЖ футболчисини "Галатасарой"га таклиф қилди  2 10:07"Манчестер Юнайтед" "Барселона" футболчисига 70 миллион евро таклиф қилди  1 09:30Русланбек Жиянов: "Иккинчи таймда ўйинимиз очилди"  2 09:02Жиззахдаги стадион "ёнган" учрашувдан ГАЛEРEЯ  0 08:33Ўртоқлик учрашуви. Ҳусанов майдонга тушган баҳсда "Манчестер Сити" ғалаба қозонди  3

Рўзиқул Бердиев: "Суперлигадаги натижаларимиз эртага футболчиларнинг кайфиятига таъсир қилмайди" News

Рўзиқул Бердиев: "Суперлигадаги натижаларимиз эртага футболчиларнинг кайфиятига таъсир қилмайди"

ОФК кубоги чорак финалидан ўрин олган "Насаф" - "Аҳал" учрашувидан олдин матбуот анжуманининг иккинчи қисмида мезбонлар бош мураббийи Рўзиқул Бердиев ва Ҳусайн Норчаев иштирок этди.

"Эртанги ўйинга тайёргарлигимиз кўнгилдагидек ўтди. Футболчиларимиз ҳар томонлама тайёр. Рақибимиз "Аҳал" ажойиб жамоа. Уларнинг ўйинларини кўрганда ҳақиқатдан ҳам футбол ўйнашини, турли схемалардан фойдаланишларини, индивидуал кучли футболчиларга эгалигига амин бўлдик. Ўйлайманки, қизиқарли баҳс кутмоқда. Майдонда бор кучимизни ишга солиб керакли натижага эришишимиз зарур", - дейди Рўзиқул Бердиев. 

"Аҳал" жамоасини етарлича ўрганиб чиқдик. Муносиб ҳозирлик кўрдик. Мухлисларни хурсанд қиладиган натижа қайд этишга ҳаракат қиламиз",- дейди Ҳусайн Норчаев.


- "Насаф"да бир неча йиллардан бери фаолият кўрсатиб келяпсиз. Туркман футболининг қайси жиҳатлари биздан ортда ёки устун? 

- Айтиш керакки, Туркман жамоалари билан олдин ҳам бир неча маротаба тўқнаш келганмиз. Уларнинг миллий терма жамоа ўйинларини кўп кузатамиз. Бизга ўхшаш томонлари бор. Техникага таянган ҳолда тактик футбол кўрсатади. Менимча футболдаги менталитет бир-бирига ўхшаш. Алабатта даражаси турлича бўлиши мумкин. Ўзбекистонда футбол ўйинлари яхши ташкил қилиниб барқарор ўтиб келмоқда. Уларда пандемия сабабли ички чемпионат баҳслари ўтказилаётгани йўқ. Қайсидир маънода жамоамизга асқотиши мумкин. Ўзбекистон ва Туркманистон табиати ҳам деярли бир хил. Иссиқда ҳам, совуқда ҳам футбол ўйнай олишади. Шунга яраша йигитларни максимал даражада тайёрлашга ҳаракат қилдик. Рақибнинг иккита ўйинларини кўриб чиройли футбол кўрсатишига гувоҳ бўлдик. Бош мақсадимиз юртдошларимизни ғалаба билан хурсанд қилиш. 

- "Насаф" ОФК кубогида ғолиб чиқиш учун Суперлигани қурбон қиляпти деган гаплар қанчалик ҳақиқатга яқин?

-Ҳар хил гапларга ишонавериш керакмас. Ҳар бир мусобақадаги ўйинларга максимал даражада ҳаракат қиляпмиз. Қайсидир ўйинда ютяпмиз ёки очко йўқотмоқдамиз. Бор имкониятимизни ишга солмоқдамиз. Мухлислардан бундай гапларга эътибор бермасликларини сўраб қолардим. 

- Суперлигадаги натижалар жамоанинг кайфиятига таъсир қилаётгани йўқми?

-  Сўнгги турларда Суперлиганинг етакчи жамоалари билан ўйнадик. Ўйлайманки, эртанги баҳсда йигитларнинг кайфиятига таъсир қилмайди. Жамоани ичида бўлганим учун футболчилар ҳар томонлама тайёр эканлигини кўриб турибман. 

- Легионер маҳаллий футболчидан бир бош устун бўлиши керак. "Насаф"га ёзги трансферлар ойнаси вақтида янги хорижлик футболчи келиб қўшилди. Андрия Калудерович жамоага қай даражада қўшилиб кета олди? Эртанги ўйинда унинг қанчалик ёрдами тегиши мумкин? Легионер борасида сизда ҳавотир борми?

- Янги легионеримиз жамоага киришиб кетди. Ҳар қандай четдан келган футболчини яхши қабул қилишимиз керак. Биз шунга эътибор қаратамиз. Андрияда тажриба бор. Унлан Суперлигада тўпурар бўлишни талаб қилмаслигимиз мумкин. Лекин керакли ўйинда ёрдам берса бўлгани. Эртанги баҳсга юқори кайфиятда тайёргарлик кўрмоқда.Шундай экан ҳавотирга ўрин йўқ. Энг яхши тайёргарликка эга футболчиларни туширамиз. Дарвозабонимиз жароҳат олган, биласизлар. Абдувоҳид Неъматов камида бир ёки икки ойни ўтказиб юбориши эҳтимоли бор. 

- "Насаф" айни пайтда халқаро майдонда иштирок этаётган Ўзбекистоннинг ягона жамоаси бўлиб турибди. Табиийки мухлислар клубдан чемпионликни кутади. Бу футболчиларга ортиқча босим юкламайдими?

-  Менимча йўқ. ОФК кубогида яхши старт олдик. Иккинчидан орадан анча вақт ўтди. Жамоамизнинг қанчалик имкониятга эгалигини яхши биламиз. Футболчиларнинг руҳий тайёргарлигини яхши олиб боришга интилмоқдамиз. Эртага ҳам босимни енгишга тайёрмиз. 

Rating: +19   

Comments

championat.asia
< show latest news
Яндекс.Метрика