Рўзиқул Бердиев: “Динамо” етакчиларга муносиб қаршилик кўрсата олади”

-“Динамо” жуда яхши жамоа. Биз бу жамоанинг ўйинларини таҳлил қилганимизда буни билгандик. Чунки бу жамоа охирги ўйинларни фақат етакчи жамоалар билан ўтказди. Гарчи улар кучли жамоалардан бир тўп фарки билан енгилган бўлсада, мураббий ўйинни яхши ташкил этгани кўзга ташланиб турганди. Шу сабаб бу бизга қийинчилик туғдирди. Қолаверса, бугунги жазирамада майдонда 90 дақиқа ҳаракат қилишнинг ҳам ўзим бўлмасди. Омад ҳам бугун биз томонда бўлди. Ғалабанинг омилларидан бири ҳам шу бўлди.

-Захирадаги футболчиларни одатда, ўйин тугашига 10-15 дақиқа қолгандад майдонга туширасиз? Бу уларнинг имкониятдан келиб чиқиб қилинадими ёки бунинг бошқа сабаби борми?

-Бугунги ўйинга келадиган бўлсак, бунга сабаб бор эди.  Чунки биз билан майдонга чиққан бешта футболчи терма жамоалари ихтиёрида эди. Уларнинг тайёргарлик даражаси ҳам турлича эди. Шу боис бугун Сайфиевни  ўйинни кучайтириш учун уни захирага олиб қолгандим. Рой Рокни эски жароҳати безовта қилгани учун иккинчи бўлим бошида Сайфиевни майдонга туширишга мажбур бўлдим. Умуман захирадан футболчини вазиятга қараб майдонга туширамиз.