Рўзиқул Бердиев: "Давралар оралиғида янгиликлар бўлади"
19 jun 2017 21:37
News

Рўзиқул Бердиев: "Давралар оралиғида янгиликлар бўлади"

Олий лиганинг 14-тури марказий учрашуви "Пахтакор" - "Насаф" (2:1) ўйинидан кейин ташкил этилган матбуот анжуманининг иккинчи қисмида "аждарлар" бош мураббийи Рўзиқул Бердиев иштирок этди.

- Учрашув кескин курашлар, тенг курашлар остида ўтди. Биринчи бўлимдаги яратилган вазиятларни голга айлантира олмадик. Иккинчи таймда эса биринчи голда ҳимоячиларимиз диққатни йўқотишди. Умумий ўйинни оладиган бўлсак, бир қатор вазиятлар ярата олдик. Аммо ушбу вазиятлардан фойдаланиш коэффициенти бизга панд бермоқда. Камчиликларимиз устида иш олиб борамиз.

Биз ҳимоядаги бу каби хатоларимизни такрорламаслигимиз керак.

"Пахтакор"нинг стандарт вазиятлари хавфли бўлишини билардик ва буни футболчиларга таъкидлагандик. Аммо бугун биринчи голни айнан стандарт вазиятидан кейин ўтказиб юбордик. Иккинчи гол эса Каримовнинг индивидуаль маҳорати эвазига киритилди.

Иккинчи даврада жамоа таркибини кучайтиришимиз керак. Бусиз иложи йўқ. Чунки жамоадаги ёшлар барқарор ўйин кўрсата олмаяпти. Биз раҳбариятга ушбу масалани кўтарамиз. Ҳужум чизиғимизни кучайтиришимиз зарур. Красични жамоага қайтариш истаги бор. Давралар оралиғида янгиликлар бўлади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3