Рўзиқул Бердиев: "Бобир Абдихолиқов учун хурсандмиз"

Ўйин ҳақида

- Ғалаба учун ҳам, Бобир Абдихолиқов учун ҳам жуда ҳам хурсандмиз. Ўйин назоратимиз остида ўтди. Хотиржам ғалабага эришдик. Тезкор гол ишимизни енгилаштирди. Шундан сўнг рақиб олдинга ўтишга мажбур бўлди ва бу ҳолат бизнинг имкониятларимизни оширди. 

- Бугун ўйин амалиёти кам футболчиларга имкон бердингиз. Бу Суперкубокдан сўнг жамоа асосий таркиб вакилларига дам бериш мақсадида эдими? Ёки рақибдан келиб чиқиб шундай услуб танландими?

- Бунга боғлиқ жиҳатлар кўп эди. Бизда Суперкубокдан кейин айрим футболчиларда толиқиш ҳолатлари бор эди. Шунингдек, позиция бўйича ўзгаришлар қилдик. Бобир Абдихолиқовни олдинга чиқардик. Кенжабоев ўрнида Темур ўйнади. Бир неча сабаблар бор. Барчаси вазифасини яхши бажаришди.

- Жамоага таклиф этилган футболчилар борасида баъзан бош мураббий хато қилгандек кўринади. Лекин турлича ўйинлар бор ва жараёнга қараб кишидаги фикр ўзгаради. Масалан, бугун Бобир Абдихолиқов борасида барчадаги фикр ижобий бўлди. Шу ҳақида фикрингиз?

- Биз футболдамиз, бу ҳақида аввал ҳам айтганман. Футболда барчага бирдек ёқиш қийин, ҳар ким турлича фикр билдиради. Бу нарсага кўп эътибор қилмаймиз. Биз кимни жамоага таклиф қилсак, футболда киришиб кетиш деган муҳим жиҳат бор. Ҳозир кўраяпмиз, жамоамизга таклиф этилган футболчилар ўйиндан-ўйинга яхши тарафга ўзгараяпти.

- "Насаф" Қаршида 2018 йилдан буён юта олмаётганди. Қандай фактор жамоа "Локомотив"ни юта олмаётганига сабаб бўлганди?

- Статистика бўйича шундай эканми? Бунга қарамаган эканман. Бу "Қора анъана"ни бузганимдан хурсандмиз. Бу статистика тўғри бўлса, биз учун жуда муҳим ғалаба бўлибди.