Роуз: "Моуринью менга бошқа ҳимоячилар каби имкон бермади"
08 feb 2020 16:14
News

Роуз: "Моуринью менга бошқа ҳимоячилар каби имкон бермади"

Ижара асосида "Ньюкасл" сафида тўп тепаётган ҳимоячи Дэнни Роуз "шпорлар" устози Жозе Моуринью унга ўзини кўрсатиш учун имкон бермаганини айтди.

Эслатиб ўтамиз, Роузнинг трансфер ҳуқуқи "Тоттенхэм"га тегишли.

"Менда қолган ҳимоячиларда бўлгани каби имкон бўлмаганини ҳис қилдим. Аслида мен у учун ўйнашни истагандим. Моуринью тайинланганидан бир ой ўтиб ўйнамаслигимни билдим. Майдонга тушмаслигимни билганимда машғулот ўтказиш қийин бўлди", - дея Роузнинг сўзларини келтирди "BBC".

Роуз мавсум охирига қадар "Ньюкасл"да ижара бўйича тўп тепади. Дэнни 2007 йилнинг ёзидан бери "Тоттенхэм" ўйинчиси ҳисобланади. Унинг "шпорлар" билан шартномаси 2021 йилнинг 30 июнига қадар мўлжалланган.

Роуз жорий мавсум "Тоттенхэм" учун АПЛда 12та ва ЕЧЛда 4та ўйин ўтказган ҳамда ўз ҳисобига иккита голли пас ёзиб қўйган. "Ньюкасл" сафида эса биринчи ўйинини ўтказишга улгурди.

Link :

Source : bbc.com

Receive latest football news directly on your phone. Subscribe for our Telegram channel!

Rating: +1