Россия - Уругвай ўйинини сенегаллик ҳакамлар бошқаради
24 jun 2018 07:26
News

Россия - Уругвай ўйинини сенегаллик ҳакамлар бошқаради

ФИФА ҳакамлар департаменти ЖЧ-2018 гуруҳ босқич 3-туридан ўрин олган Россия - Уругвай ўйинини бошқаришни сенегаллик реферига ишониб топширди.

ФИФА рефериси Маланг Дьедиуга қанотларда ҳамюртлари Жибриль Камара ва Эл-Ҳожи Самба ёрдам беради. Захира ҳаками эфиопиялик Бамлак Тессема.

Маълумот учун, Россия ва Уругвай терма жамоалари ўртасидаги учрашув эртага, 25 июнь куни Самара шаҳрида бўлиб ўтади. Ўйин натижасидан қатъий назар ҳар икки жамоа плей-оффга чиқиб бўлган. Учрашув гуруҳ ғолибилиги учун бўлиб ўтади.