Россия биринчи дивизиони. 6-тур. Афонин ва Турсунов майдонга тушди, Мирзаев эса йўқ

Биз ҳамюртларимиз иштирокидаги ўйинларга эътиборингизни қаратмоқчимиз. 

"Салют" ўз уйида "Ангушт"ни қабул қилиб йирик ғалабага эришди - 3:0. Майдон эгалари сафида Вадим Афонин 90 дақиқа давомида жуда фаол ҳаракат қилди ва биринчи гол урилишида катта ҳисса қўшди. "Салют" 7 очко билан мусобақа жадвалининг 11-поғонасида бормоқда.

САЛЮТ - АНГУШТ - 3:0 (2:0)
Голлар: Бекетов, 17 (1:0). Ахметович, 28 (2:0). Бекетов, 82 (3:0).

"Газовик" эса сафарда "Мордовия" меҳмони бўлди ва мағлуб бўлди - 0:1. Санжар Турсунов бу ўйинда асосий таркибда майдонга тушиб 77-дақиқада захирага олинди. Қизиғи ягона гол 78-дақиқада урилди. "Газовик" 6та ўйинда 9 очко тўплаб 6-ўринда бормоқда.

МОРДОВИЯ - ГАЗОВИК - 1:0 (0:0)
Гол: Мухаметшин, 78 (1:0).

"Нефтехимик" сафарда Владивостокда "Луч-Энергия" меҳмони бўлди ва дуранг қайд этди - 0:0. Учрашувда меҳмонлар сафида ҳамюртимиз Даврон Мирзаев захирада қолдирилди. "Нефтехимик" 2 очко билан 19 жамоа орасида 17-ўринни эгаллаб турибди.

ЛУЧ-ЭНЕРГИЯ - НЕФТЕХИМИК - 0:0 (0:0)