Роналдунинг собиқ мураббийи: "Таътил Криштианунинг фойдасига ишлайди"
05 apr 2020 22:18
News

Роналдунинг собиқ мураббийи: "Таътил Криштианунинг фойдасига ишлайди"

Леонель Понтеш (Роналду билан "Спортинг" ва Португалия терма жамоасида бир муддат ишлаган) коронавирус пандемияси туфайли юзага келган танаффус "Ювентус" ҳужумчисига фойда келтиришига ишонади.

"Ушбу таътил унинг фойдасига ишлайди. Роналду қувват тўплаб олади ва унинг ўйнаш иштиёқи янада ошади.
Ақлга сиғмайдиган нарса Роналдунинг 35 ёшдалиги эмас, бу унинг самарадорлиги. У кўп йиллардан буён мамлакатлар, жамоалар, ҳатто позицияларни алмаштиришига қарамасдан юқори савияда фаолият юритиб келмоқда", — дейди Понтеш "La Gazzetta dello Sport" нашрига.