Роналдунинг опаси ковиддан сўнг пневмония билан шифохонага ётқизилди. У Криштиану касалланганда, пандемияни ёлғон деб айтганди
28 jul 2021 07:28
News

Роналдунинг опаси ковиддан сўнг пневмония билан шифохонага ётқизилди. У Криштиану касалланганда, пандемияни ёлғон деб айтганди

"Ювентус" ҳужумчиси Криштиану Роналдунинг опаси Катя Авейру коронавирус асоратлари билан шифохонага тушиб қолди.

"Сўнгги кунларда буни қилмасликка ҳаракат қилдим, аммо янгиликлар тез тарқалмоқда ва менга ғамхўрлик қилаётганларни ҳурмат қилиш мақсадида ҳақиқатни айтиб бераман.

Афсус, 17 июлдан бери уйда изоляцияда эдим, барчаси яхши эди, белгилар йўқ эди, аммо қоидага риоя қилган ҳолда, уйда эдим. Афсуски, 23 июль куни аҳволим ёмонлашди. Менда лаънати вирус натижасида зотилжам пайдо бўлди.

Қисқаси, мен шифохонадаман. Лаънати вирус мени йўқ қилолмайди. Мен яхшиланяпман", - деб ёзди Авейру.

Роналду 2020 йилнинг октябрь ойида коронавирусга чалинган пайт у ёзган эди: "Ҳаётдаги энг катта ёлғон".